2015
原本我是一個靚女(HAHAHA.......... 想嘔), 年紀輕輕就同嫁左比老公(差不多朋友之
中最早的一個)。玩左幾年, 想有小朋友的時候, 都等左2年先有BB。從小我就同自己
講第日結婚後一有小朋友我就辭工, 做全職媽媽, 全心全意照顧我的小朋友。雖然辛
苦了老公一人擔起這頭家, 但我很相信是值得的。所以在2011年尾生左一個巨B, 藍
藍出世4.14KG (OH MY GOD - 9磅1) 。我點可以順產生佢出黎架??? CRAZY? 我都
唔知點做到, 但好記得係產房陣痛時, 不斷同自己講你得既你得既, 無人可以幫你, 你
自己比心機啦!!!!
藍藍出世後我就努力照顧佢, 睇左好多育兒書籍, 找尋各種方法養育方法, 包括健康,
飲食, 身心, 靈魂, 知識等。我希望藍藍可以全面發展, 身心健康。
本身自己好注重身體健康的，細個超鍾意飲汽水，食零食，食垃圾食物等。大個之
後，我知道呢類食物超級唔健康，我就開始介左。自從做左媽咪之後，我更加注重
健康。藍藍入學前，幾乎沒有接觸過糖，朱古力等垃圾食物。返學之後無可奈何地
接觸到，加上有太多病菌的關係，開始經常生病了。
飲食方面，藍藍一日三餐吃的都是健康食品。早餐吃麥皮，午餐及晚餐都一定有蔬
菜及肉。每天一定吃水果。零食只有BB餅，蔬果片，果仁。飲品只喝天然果汁，
牛奶，豆奶。一天飲充足的水。
排除左自身問題，全部病我都歸咎學校惹回來的。
我們遇到第一個家庭醫生幫藍藍睇病時，我發現他一定開抗生素給她，但差不多每
次都要食足5-10日。藍藍是完全不抗拒藥水的，她都會乖乖通通吃掉。但很明顯她
吃藥期間，情緒波動超大，經常無顧發脾氣，做媽媽的知道這是藥造成的反應。無
其他辦法下，每隔3星期又要睇醫生，又要食抗生素，重重覆覆的吃了一年。沒有
病的日子, 我都要求藍藍帶口罩, 但都會惹病, 好氣餒.......
隔了一個暑假, 沒有日日接觸學校病菌, 身體又強壯了。我嘗試讓她不帶口罩上學,
今次進步了, 隔了一個月才病。我頂唔順那個醫生, 又找了另一個醫生, 這個醫生只
開2支藥水, 我非常開心了。因為不用吃抗生素就能醫好藍藍。我仍不斷尋找天然方
法去處理她的小病小痛。但我發現就算是中醫, 他們用的始終是藥材, 不可以長期飲
用。究竟有什麼方法呢??
開始呢個BLOG好似遲左少少, 不過都希望可以為藍藍留下一點回憶。
