發燒有益2

1/12


早前翻看了勞醫生的發燒有益這篇文章，我記得我早幾年我曾經看過的, 當時藍藍仲係1歲多，我心想發燒唔去睇醫生我可以做咩呢? 發燒可大可小呀! 當然要睇醫生啦! 


有一次, 藍藍第一次發燒, 燒到38度, 正值晚上12時, 我同老公不知所措，立即打的去左最近的政府醫院。等了1小時, 終於見醫生, 醫生當下都係塞藥去退燒。做媽媽的我第一次經歷見到藍藍受苦, 心如刀割呀!


到藍藍2歲時, 又發燒, 我地又帶佢睇醫生, 一食藥就退燒, 唔食又燒過。連續3日都係咁, 醫生建議入醫院檢查布沒有其他疾病。我地又同意了, 藍藍人生第一次入醫院。入到醫院, 護士姐姐抱走了她, 我同老公答應了她在門外等候，她出來時一見到我就大哭了。我都眼濕濕的抱住她。第一次種豆在她的小手上, 我感到她好痛啊!! 我知道她入去護士室裡面有多害怕, 因為她從來未試過離開我的。。。這次住了5日醫院, 但是結果係藍藍完全無事。我都唔明白發生什麼事! 除了發燒, 她沒有其他病徵的。所以除了打退燒藥外, 沒有其他藥水打入豆裡面。你話種那粒豆有幾大作用呢??? 入醫院呢幾日, 真係TOUCHWOOD無染上其他病咋! 因為旁邊係手足口病同埋肺炎既病人呀! 到現在都解釋唔到佢為什麼會發幾日燒。


認識左精油後, 再睇番那篇發燒有益文章, 我終於明白了。其實身體本身需要發燒來增加抵抗力嘛! 只要明白發燒是有益的, 而你又有方法可以舒緩到發燒, 其實一啲都唔可怕。


話說回來，我並不是叫大家不要去看醫生，我們並不是醫生, 沒有專業判斷病症。我們可以做既係看醫生後, 我們清楚了患上什麼病後, 對精油有信心使用時, 就可以試下用精油幫忙而減少吃西藥了。